Yüz il sonra yaşasaq…
Günümüzdəki yenilikləri bir əsr bundan qabaq yaşamış insanlar ağıllarına gətirə bilməzdilər. Bəs görəsən bir əsr bundan sonra insanlığı nələrin gözləyəcəyini xəyal edə bilərikmi? Дünya alimləri XXII əsrdə baş verəcək dəyişiklikləri беля təqdim edir.
1.Dünyanın əhalisi 10 milyardı keçəcək. Əkin sahələri azalacaq. Əkməyə yer tapılmayacaq. Ya səhraları yaşıllaşdıracaqlar, ya da dəniz sahillərini qurudacaqlar. Amma böyük ehtimalla hər ikisi olacaq. Dəniz suyunu içməli suya çevirə biləcəklər.
2.Genetika elmi insanın yaşlanmasına çarə tapacaq. Alimlər 90 faiz ehtimalla ölümsüz insan mərhələsinə keçiləcəyini bildirirlər. Texnologiya o qədər inkişaf edəcək ki, insan beyninin imkanlarıdan daha da geniş istifadə ediləcək. İnsanlar uzaqdan -uzağa bir-biri ilə telepatiya vasitəsilə əlaqə saxlaya biləcəklər.
3.Nano robotlar insan hüceyrələrinin içinə yerləşdirilərək insanın təbii qabiliyyətləri və imkanlarımız kompüterlərin bütün imkanlarına qovuşdurulacaq. Bu da üstün insan deməkdir.
4.Kosmik liftlər hazırlanacaq. Qısa yolla və ucuz qiymətə kosmosa çıxa biləcəklər.
5.Evliliyin yerini illik müqavilələr tutacaq. İnsanlar ömürlük bir yerdə yaşamayacaqlar.
6.Nüvə texnologiyası inkişaf edəcək. Artıq atomu parçalamaqla deyil, iki atomu birləşdirməklə nüvə enerjisi əldə ediləcək.
7.Dünyada vahid valyuta işlənəcək.
8. Alman, türk və ərəb dilləri məhəlli dillər olacaq. Bütün dünyada sadəcə, ingiliscə, ispanca, Çin dilində danışıb, bu dillərdə yazacaqlar. Hamı bu dillərdən azı, birini öyrənmək məcburiyyətində qalacaq.
9.Milli dövlətlər yox olacaq. Yerli hökümətlərin tabe olduğu vahid dünya höküməti qurulacaq.
Ən xoşbəxt miqrantlar haradа yaşayırlar?
İspaniya iqtisadiyyatının acınacaqlı vəziyyətdə olmasına baxmayaraq, xoşbəxt və öz həyatından razı olan ən çox sayda miqrantın məhz bu ölkədə yaşadığı məlum olub.
“Lloyds TSB International” şirkətinin əməkdaşlarının apardıqları araşdırmanın nəticələrinə görə, İspaniyada belə vətəndaşların sayı 75,9 faiz təşkil edir.
Kanadada özünü xoşbəxt hesab edən köçkünlərin sayı 72,2 faiz təşkil edir. Almaniyada miqrantların 71,4 faizi xoşbəxtdir.
Xoşbəxtlik gətirən ölkələr reytinqində dördüncü yeri BƏƏ tutur.
Məlum olub ki, yaxşı iqtisadi perspektivlərə malik ölkələrin heç də hamısı miqrantların xoşbəxt yaşayışını təmin etmir. Belə ki, Yeni Zelandiyada miqrantlar az qala ən yüksək keyfiyyətli həyat gözlədikləri halda, bu ölkə miqrantların özlərini heç də xoşbəxt hiss etmədiyi və tezliklə tərk etmək istədiyi ölkələrin siyahısında əsas yerlərdən birini tutur.
Buna baxmayaraq, hər hansı başqa ölkə kimi İspaniyaya mühacirət heç də asan başa gəlmir. Gəlmələr tez-tez, xüsusən də ispan dilini bilmirlərsə, öz yerlərini tapmaqda çətinliklərlə üzləşirlər. İspaniyanın iş qabiliyyətinə malik əhalisi arasında işsizliyin səviyyəsi 23 faizə çatır. İş axtarışındakı çətinliklərlə yanaşı, miqrantların həyatını yerli bürokratiya da zəhərləyir.
Qripi tez təyin edən yeni üsul
Yaponiya alimləri qrip xəstəliyinin diaqnozunun daha sürətlə müəyyən edilməsinin yeni üsulunu tapıblar. Yeni üsul hazırda klinikalarda tətbiq olunan adi analizlərlə müqayisədə diaqnozu 10 dəfə tez təyin etməyə imkan verir.
Dövlətin dəstəyi ilə tədqiqatlar aparan Riken Elmi Tədqiqatlar İnstitutunun alimləri DNK həlqəsini H1N1 qripinin virusuna tətbiq etməklə, bu üsulu işləyib hazırlayıblar.
Mütəxəssislər bildiriblər ki, yeni üsul hər hansı qripi müəyyən etmək üçün tətbiq edilən adi metodlara nisbətən 100 dəfə həssasdır.
Virusla xəstələnmənin sürətlə müəyyən edilməsi quş qripinə yoluxma zamanı pandemiyanın qarşısını almaq üçün həyati əhəmiyyətə malikdir.
