Günəşdən Yerə təhlükə var?

Yanvarın 22-də Günəşdə baş verən alışmalar və onların təzahüründən sonra Yerin maqnit sahəsi həyəcanlanıb, hətta geomaqnit fırtınası da baş verib. Hazırda isə geomaqnit fırtınası давам едир.

Mütəxəssislər deyir ki, buna səbəb yanvarın 23-də, səhər saat 8.00 radələrində Günəşin səthindəki 1402 nömrəli Günəş ləkəsində M9 sinfinə mənsub Günəş alışmasının baş verməsi və bu alışmadan sonra tac plazma kütləsinin atılmasıdır. Bu alışma o qədər güclü olub ki, hətta onu rentgen sinfinə mənsub, yəni X sinfinə mənsub alışmalara bərabər tuturlar. Budəfəki tac atılmasını fərqləndirən bir xüsusiyyət də atılmış plazma kütləsinin plazma buludu şəklində çox böyük sürətlə hərəkət etməsidir. Bu sürət saniyədə 2200 kilometrə çatır. Bu, həddən artıq böyük sürətdir. Bu sürət o deməkdir ki, həmin plazma buludu Yerlə Günəş arasındakı təqribən 150 milyon kilometr məsafəni tez bir zamanda qət edəcək, Yerətrafı fəzaya çataraq Yerin maqnit sahəsini həyəcanlandıracaq və son nəticədə geomaqnit fırtınası yaradacaq.

Günəşdə bu cür ekstremal vəziyyətin olması təbii sayılır. Çünki Günəş özünün növbəti 24-cü 11 illik fəallıq tsiklinin maksimumuna yaxınlaşmaqdadır.

Qeyd edək ki, bu cür güclü geomaqnit fırtınaları ilk növbədə texnoloji sistemlərə təsir göstərir. Geomaqnit fırtınası zamanı şimal en dairəsində yerləşən ölkələrin texnoloji sistemləri təsirə daha çox məruz qalacaq. Təbii ki, Yerətrafı fəzada olan kosmik sistemlər, onların kommunikasiya və naviqasiya sistemlərinə də təsir olacaq. Böyük uzunluğa malik elektrik verilişi sistemləri də bu təsirə məruz qala bilər. Həmçinin magistral neft boru kəmərlərinə də müəyyən hallarda təsir edə bilər. Hazırda kosmosda xeyli sayda elmi cihazlar olan peyklər dolanmaqdadır. Bu peyklərin işlərinə olan təsir də artıq hiss olunmaqdadır.

Alimlər qeyd edir ki, aparılan analizlər G2 və yaxud G3 səviyyəli geomaqnit fırtınasının ola biləcəyini göstərib: “Bu şkala geomaqnit fırtınasının gücünü göstərir və G1- G5 arasında dəyişir.

Hazırda Günəş səthində kifayət qədər böyük ölçüyə malik daha bir tac dəliyi də müşahidə olunduğunu bildirən mützxəssislər deyirlər ki, bu, geomaqnit fırtınasına gətirib çıxarmaya da bilər. Amma, hər halda Günəş alışmasının baş verə biləcəyindən də çox şey asılıdır. Yəni bu effekt o biri effektlə üst-üstə düşərsə, mənfi effektlər daha da güclənə bilər. Hazırda ən güclü rentgen X sinfinə mənsub Günəş alışmalarının baş vermək ehtimalı bu gün üçün 10 faizə yaxındır. Bu, böyük rəqəmdir. Adətən bu rəqəm 1-2 faiz ətrafında olur. Növbəti güclü sayılan M sinfinə mənsub alışmanın baş vermə ehtimalı isə 60 faizə bərabərdir. Bu da böyük rəqəmdir. Bu o deməkdir ki, bu günlər ərzində Günəşdən yenə də sürpriz olan alışmalar gözləmək mümkündür.

«Motorola» «Apple»-a qarşı yeni iddia qaldırıb

Google tərəfindən alınma prosesində olan mobil telefon istehsalçısı Motorola Mobility şirkəti Apple korporasiyasına qarşı Birləşmiş Ştatlar ərazisində Apple-ın son smartfon modeli - iPhone 4S-in satışını və iCloud məlumatların uzaq məsafədə saxlanılması servisinin işini dayandırmaq tələbi ilə iddia qaldırıb. Яrizə Florida ştatının Cənub dairə məhkəməsində qeydiyyata alınıb.

İddiada Motorola şirkəti Apple-ı əvvəlki məhkəmə iddialarında göstərilən eyn
i 6 patent hüququnun pozulmasında təqsirləndirir. Mobil telefon istehsalçısı simsiz rabitə, əlavələrin idarə edilməsi, məlumatların filtrasiyası, elektron poçt ilə işləmə texnologiyalarının Apple tərəfindən oğurlandığını hesab edir.

Şirkətin əvvəlki iddiaları demək olar Apple-ın bütün məhsullarına – iPhone smartfonlarına, Mac kompüterlərinə, iPod Touch pleyerlərinə, iPad planşetlərinə və App Store internet-əlavələr mağazasına aid olub.

Qeyd edək ki, Apple və Motorola 2010-cu ilin oktyabrından məhkəmələrdə çəkişirlər. O vaxtdan bəri şirkətlər iddia tələbləri ilə mübadilə edərək bir-birini 40-dan çox texnologiyanın patent hüququnun pozulmasında təqsirləndiriblər. 2011-ci ilin payızında Almaniya məhkəməsi Apple şirkətinin Motorola-nın 2 patentini pozması barədə ilkin qərar çıxarıb. Bu qərar iPhone və iPad-in Almaniya ərazisində satışının qadağan olunmasına səbəb ola bilər.

 

 

“Dilmanc” mətnin səsləndirilməsi sistemi istifadəyə verilib

 “Dilmanc” layihəsi çərçivəsində yaradılmış mətnin səsləndirilməsi sistemi (Text to Speech) dilmanc.az səhifəsində onlayn istifadəyə verilib. Сəhifədə Azərbaycan dilində mətn daxil edərək onun səslənməsinə qulaq asmaq mümkündür.

Bundan əlavə, səslənmə faylını mp3 formatında endirmək imkanı da əlavə edilib. Bu, həmin mətnə sonradan telefonda və ya pleyerdə qulaq asmaq imkanı yaradır.

“Dilmanc” mətnin səsləndirilməsi sistemi Azərbaycan dili üçün ilk belə proqramdır. Səsləndirmə alqoritmi yenilənib və əvvəlki versiyadakından fərqli elmi yanaşmaya əsaslanır.

Layihənin rəhbəri Əbülfət Fətullayevin sözlərinə görə, sistem gələcəkdə telefon danışığını avtomatik tərcümə edən telefon-tərcüməçi sisteminin tərkib hissəsi kimi istifadə ediləcəkdir. Mətnin səsləndirilməsi sisteminin, həmçinin mobil qurğulara adaptasiyası nəzərdə tutulur.

 

 

 “iPhone 5” smartfonunun sirri nədir?

 “9to5 Mac” saytının jurnalistləri iddia edirlər ki, “Foxconn” əməkdaşlarından biri məxfiliyin saxlanılması şərti ilə “Apple” şirkətinin yeni “iPhone 5” smartfonu haqqında məlumat verib.

Tayvan şirkəti hazırda smartfonun altıncı nəsil modelini istehsal etməyə hazırlaşır. Aparat satışlarının cari ilin yay ayında başlanacağı gözlənilir.

“Foxconn” əməkdaşı “iPhone 5”-in bir neçə nümunəsini gördüyünü bildirib. Smartfonların hamısı ən azı 4 düym diaqonala malik ekranla təchiz edilib və simmetrik dizayn ilə səciyyələnir, hərçənd əvvəl yayılmış şayiələrə əsasən bildirilirdi ki, yeni “iPhone” smartfonunun qalınlığı qurğunun yuxarı və aşağı hissələrində fərqlənəcək.

Saytın redaksiyası vurğulayıb ki, məhz bu insan keçən ilin yayında payızda “iPhone 5”-in deyil, “iPhone 4S” smartfonunun təqdim ediləcəyini bildirib.

 

 

Zənginlər üçün “Facebook”

Bir sıra varlı insanlar sosial şəbəkələrdə iştirak etmək istəsələr də, burada milyonlarla üzvlərin olması səbəbindən şəbəkələrə qoşulmaqdan imtina edirlər. Elə bu səbəbdəndir ki, dünyanın ən zəngin iş adamları üçün xüsusi bir sosial şəbəkə saytı qurulub. Lent.az-ın ictnews.az-a istinadən verdiyi məlumata görə, “Facebook for world leaders” (dünya liderləri üçün Facebook) adlı sayt yaradılıb.

“Tibco”şirkəti tərəfindən qurulan sayta girmək üçün dünyanın ən zəngin 200 adamından biri olmalısan. Əks təqdirdə sadəcə olaraq burada qeydiyyatdan keçmək mümkün olmayacaq.

Məlumat üçün bildirək ki, hazırda dünyanın ən varlı adamı meksikalı Karlos Slim Heludur. Telekommunikasiya maqnatının sərvətinin 74 milyard dollar olduğu bildirilir. Yayılan məlumata görə, milyarder sözügedən portalda qeydiyyata düşmək üçün müraciət edib.