Qayınana və gəlin: necə dil tapmalı?
•Əgər ürəyinizi boşaltmaq və ya kiminləsə bölüşmək istəyirsinizsə, onda ən yaxın rəfiqənizlə bunu etsəniz daha yaxşı olar. Həyat yoldaşınızla nə qədər yaxşı münasibətləriniz olsa belə münaqişə anlarında o, sizə yaxşı məsləhətçi olmaz. Unutmayın ki, müəyyən hallarda sizə rəqib olan insan onun doğma anasıdır. Onu seçim qarşısında qoyub sən kimin tərəfindəsən demək sizə xeyir verməz və çıxılmaz vəziyyət yarada bilər ki, bu da öz növbəsində konfliktin dərinləşməsinə səbəb olar.
•Tənqidlərə elə də böyük əhəmiyyət verməyin. Hərdən doğurdan da bu tənqidlər həddən artıq şişirdilmiş şəkildə çatdlrılır. Bununla belə özünüzdə müdrik olmaq üçün güc tapmağa çalışın. Belə hallarda uğurlu zarafat, söhbətin filosofik məcraya keçirilməsi və "təcili işim çıxdı kimi " bəhanələr köməyinizə gələ bilər. Belə hallarda səbirli , təmkinli olmaq mözuya bir qədər diplomatik yanaşma sizin reytinqinizi digərlərin gözündə qaldırar vı konflikt vəziyyəti aradan qaldırmağa kömək edər.
Bununla belə elə vəziyyətlər olur ki, sizi konfliktə çəkən tərəfdən qaçmaq da olmaz. Yəni belə hallarda "dişinizi" göstərmək də olar. Açıq qarşıdurma ailədə sizin yerinizi möhkəmləndirə bilər. Azından öz sözünüzü demək qabiliyyətinə malik olduğunuzu göstərə bilərsiniz. Lakin burada iki vacib məqamı qeyd etməliyik : birinci həddi aşmamaq, ikinci konflikti uzunmüddətli "müharibəyə" çevirməmək. Bilin ki, bu "müharibədə" qalib gələn olmayacaq, itkilər isə hamı üçün çox böyük ola bilər. Həmçinin ailənin sərhədlərini sülh yolu ilə də tənzimləmək olar. Bunun üçün sakit və qətiyyətlə ətrafdakılara işarə vermək lazımdır ki, siz də ailə üzvüsünüz və ayrıca fikir yürütmək və qərar çıxarmaq gücündəsiniz. Qərarı bir yerdə verin, planlarınızı isə ikilikdə qurun. İkiniz kiminlə və nə vaxt məsləhətləşmək qərarını verin. Qohumlarınızdan vəziyyətdən sui istifadə etmək istəyənlər ola bilər. Olsun, müdafiəni möhkəm qurun. Bilin ki, bu, sizin ailənin yaşamaq uğrunda mübarizəsinin bir hissəsidir.
Digər bir problem: "körpüləri" necə yaratmaq? Qarşılıqlı əlaqələrin dinc yolla tənzimlənməsi yolları konkrekt situasiyadan asılıdır. Ola bilsin ki , qayınana yeni ailə yaranandan sonra özünü yalnız və atılmış hiss edir. Belə hallarda ona daha çox vaxt ayırmaq və daha çox nəvaziş göstərmək lazımdır. Onunla tez -tez telefonla danışmaq, işləri ilə , sağlamlığı ilə maraqlanmaq, kiçik hədiyyələr vermək yerinə düşər. Hərdən adi "özünü necə hiss edirsən?" ,"sən mükəmməlsən" , "biz səni sevirik" kimi sözlər doğurdan da möcüzələr yarada bilir. Ola bilər ki, qayınananı "oğlum həyat yoldaşı ilə xoşbəxt ola biləcəkmi?" kimi suallar narahat edir?
Qayınananıza onun oğlunu necə sevdiyinizi numayiş etdirin. Tez - tez qucaqlayın, öpün, bir sözlə, onu ailə hərarəti, nəvazişi ilə əhatə edin. Əgər qayınana görsə ki, onun oğlunu sevirlər aradakı gərginlik də azalacaq. Çox vaxt qayınanalar lazımlı olduqlarını daim hiss etdirməyə çalışırlar. Bunun üçün vaxtaşırı ondan kiçik xahişlər etmək, bu və ya digər məsələlər haqqında məsləhətlər verməsini xahiş etmək yerinə duşər. Onun sizə nə qədər lazım olduğunu nəzərinə çatdırmaqla həm də onun sizə qarşı münasibətinin isti olmasını təmin etmiş olarsınız. Belə hallarla paralel bəzi analarda sanki həyatın mənası oğlunu evləndirdikdən sonra itir. Qadın nə ilə məşğul olmağı, nə iş görməyi bilmir. Belə hallarda onu tək qoymayın. Sizin də xoşunuz gələn məşğuliyyətləri qayınananıza təklif edin. (məsələn : toxuma, foto şəkilçəkmə, gəzintilər, kulinariya və s. )
Daha bir vacib hal özünüzün də nə vaxtsa qayınana olacağınızı dərk etmənizdir. Özünüzü bir anlığa qayınananızın yerində hiss edin. Belədə siz özünüzü necə aparırsınız, nə istəyirsiniz, nəyiniz çatmır, nəyə doğru can atırsınız, sizi nə kədərləndirir, sizə hərəkət verən qüvvə nədir, gəlinlə mübahisələri necə həll edərdiniz, gəlinizə nə məsləhət verərdiniz kimi suallara cavab tapmaq üçün bir anlığa situasiyanın üstündən problemə baxmaq və bir qədər sakitləşib vəziyyətdən çıxış yollarını araşdırmaq olar.
Biz hamımız insanıq. İnsanlar isə ideal deyillər və səhvlər edə bilərlər. Ona görə də bağışlamağı bacarmırıqsa, qarşılıqlı hörməti, qarşılıqlı əlaqələri tənzimləmək çox çətin olar.
Saçınız tökülür?
Saçları qətiyyən tünd rənglə rəngləmək olmaz. Bu, baş dərisində onkoloji xəstəliyin yaranmasına səbəb ola bilər.
Saçın rənginin açılması da dəriyə ziyandır və saç köklərinin funksiyasını poza bilər. Həkimlər rəng əvəzinə xınadan istifadə olunmasını məsləhət bilirlər.
Ümumiyyətlə, saç tökülməsinin müxtəlif səbəbləri ola bilər: Autoimmun xəstəliklərindən tutmuş orqanizmdə ümumi balansın pozulmasınadək. Dermatoloq saçın tökülməsilə bağlı diaqnoz qoymamışdan əvvəl pasiyenti saçın tökülmə özəlliyinə uyğun olaraq, başqa həkimlərə yönləndirməlidir: endokrinoloqa, ginekoloqa, terapevtə və sair.
Saç tökülməsinə qeyri-rasional qidalanma, orqanizmdə karbohidratların, vitaminlərin, mineral maddələrin çatışmaması, həmçinin qanda müxtəlif bakteriyalar, infeksiyalar, stres, əsəb sisteminin pozulması səbəb ola bilər:
Ona görə də, saçı hava şəraitindən asılı olaraq da qorumaq lazımdır. Yayda və qışda mütləq baş geyimindən istifadə olunmalıdır. Bu, saçı şaxtadan və günəş şüalarından qoruyur.
Saç tökülməsini önləmək üçün fendən mütəmadi istifadə etməmək, bitki və meyvə tərkibli şampun və maskalardan istifadə etmək, kimyəvi elementlərlə dolu preparatların qəbulundan qaçmaq, saçlara sarımsaq maskası çəkmək də məsləhət bilinir. Saçı həftədə 2 dəfədən artıq yumaq düzgün deyil.
Türk mətbəxi
Lahmacun
8 ədəd lahmacun üçün
Xəmiri Üçün:
1 xörək qaşığı quru maya
1 çay qaşığı şəkər tozu
1 3/4 stəkan ilıq su
4 stəkan əla növ un
2 çay qaşığı duz
Üstü Uçün:
225 q çəkilmiş qoyun əti
1 ədəd kiçik soğan - xırda-xırda doğranmış (1/2 stəkan)
3 ədəd yetişmiş pomidor - qabığı soyulmuş, sıxılaraq dənəsi çıxarılmış və xırda-xırda doğranmış (1stəkan)
3/4 stəkan xırda-xırda doğranmış cəfəri
3 diş xırda-xırda doğranmış sarımsaq
1 xörək qaşığı acı qırmızı bibər tozu
2 çay qaşığı şirin qırmızı bibər tozu (paprika)
duz
4 xörək qaşığı soyuq su
Süfrəyə Vermək Üçün:
cəfəri
limon
ayran (resept aşağıda)
Əvvəcə xəmiri hazırlayın. Bir qabda maya, şəkər və 1/2 stəkan ilıq suyu maya həll olana qədər qarışdırın. Qoyun isti yerdə 10 dəqiqə, üstü köpüklənənədək qalsın. 1 stəkan unu iri qaba ələyin. Üstünə mayalı qarışığı əlavə edib, qarışdırın. Qabın üstünü sellofanla örtüb 30 qədiqəlik isti yerə qoyun ki, qarışıq gəlsin və süngər (qubka) kimi olsun. Sonra qalan unu da bu qarışığa əlavə edin. Duzu və qalan 1 1/4stəkan suyu da əlavə edib, yaxşıca qarışdırın.
Xəmiri 10 dəqiqə ərzində yoğurun. Hazır xəmir elastik olmalı və ələ yapışmamalıdır. Xəmiri iri qaba qoyub üstünü dəsmalla örtün. 1 saatlıq isti yerə qoyun ki, xəmir gəlsin.
İçi hazırlayın. Bunun üçün içə ayrılan ərzaqları bir qaba qoyub, yaxşı qarışanadək yoğurun.
Sobanı 230Cdək qızdırın. İri dəyaz formanı tərs çevirin (şəkilə bax) və üstünü bir az unlayın. Kənara qoyun.
Gəlmiş xəmiri bir az un səpilmiş yerə qoyun və əlinizlə ona uzunsov şəkil verin. İti bıcaqla 8 hissəyə bölün. Hissələri kündələyib ovcunuzla üstlərinə basaraq, bir az yastıladın. Sonra isə bu kündələrin üstünü sellofan və ya dəsmalla örtüb, 20 dəqiqəlik isti yerə qoyun ki, dincəlsinlər.
Sonra isə kündələrin birini unlanmış yerdə 25 sm-lik çox nazik dairə əldə edənədək oxlovla açın və unlanmış formaya qoyun. Dairənin üstünə içdən yayın. Lahmacunu istinmiş sobada ət bişənədək, təxminən 7 dəqiqə bişirin. Bişən lahmacunu sobadan çıxardan kimi, kənarlarındakı xəmirə yağ sürtün (bu, kənarlarını yumuşaldacaq). Bir lahmacun bişənədək, digər kündələri də eyniylə açıb, içdən yayıb, bişirin. Lahmacunu isti-isti süfrəyə verin. Üstünə limon sıxıb, cəfəri qoyub yeyin. Süfrəyə ayran da verilir.
