İki alman konserni birləşir

“Volkswagen” şirkəti bu il “Porsche Automobil Holding SE” nin səhmlərinin 50,1% faizini almaq niyyətindədir.  “Volkswagen” artıq səhmlərin 49,9%-ni alıb və məqsədinə çatmaq üçün əlavə olaraq 3.9 milyard avro ödəməlidir. Bununla da Almaniyanın 2 böyük avtomobil istehsalçısı bir müəssisədə cəmləşəcək.

 

 

2011-ci ilin ən yaxşı avtomobili - “BMW Série 3 F30”

Avropalı avtomobil jurnalistləri nəhayət ki, ilin avtomobilini seçə bildilər. Jurnalistlərdən ibarət münsiflər heyəti “BMW Série 3 F30” modelinin üzərində dayanıb. Dekabrda 30 avtomobil birinciliyə iddia etsə də finala 4 model qalıb - “BMW”, “Chevrolet Camaro”, “Hyundai Veloster” və “Peugeot 208”.

Bundan başqa, ilin ən gözəl interyeri nominasiyasının da qalibləri açıqlanıb. Bu yerə isə “BMW nouvelle Serie 3”, “Chevrolet Camaro Cabriolet”, “Mini Coupe”, və “Peugeot 208” layiq görülüb.

 

 

Dünyanın ən bahalı avtomobil brendləri

“İnterbrand” şirkəti dünyanın ən bahalı avtomobil brendlərinin siyahısını açıqlayıb.  “Toyota” şirkəti 27.76 milyard dollar dəyərində qiymətləndirilərək ilk yerə çıxıb. Maraqlıdır ki, şirkətin satışları ötən il 6% aşağı düşsə də, markanın dəyəri 6% artıb.

Növbəti yerdə isə 27,44 milyard dollar dəyərindəki “Mercedes-Benz” şirkəti qərar tutur. Digər bir alman istehsalçı – “BMW” isə 24,55 milyard dollarla üçüncü yerdə qərar tutub.

Növbəti yerləri isə bu şirkətlər bölüşür (milyard dollarla)

Honda - 19,43

Volkswagen - 7,85

Ford - 7,48

Audi - 6,17

Hyundai - 6

Porsche - 4,58

Nissan - 3,81

Ferrari - 3,59

Harley Davidson - 3,51

 

 

 

Gələcəyin “BMW”ləri

Avtomobil dünyasında belə bir yazılmamış qanun var. Əgər bu model 3 il sonra satışa çıxacaq deyilirsə, deməli o artıq hazırdır. Bu gecikmə sadəcə olaraq bazarın məlumatlandırılması, konveyerin hazırlanması və avtomobildə olan kəsirlərin tamamlanması ilə əlaqədar olur.

 “BMW”nin də gələcək modelləri paparazilər tərəfindən “aşkar edilib”. Bu modellər arasında sedan, krossover, hibrid və hətta elektromobilə də rast gəlinir.

Bu arada quyd edək ki, Almaniyanın «BMW» avtomobil istehsalçısı «BMW X6» krossoverini yeniləyib. Yeni versiyada mühərrikin gücü dəyişməyəcək. Maşının xarici görünüşündə dəyişikliklər olsa da, bu, o qədər də nəzərəçarpacaq deyil. 2012-ci il buraxılışı olan «BMW X6» əvvəlkilərdən duman əleyhinə olan işıqları ilə, yeni bamperi və radiatorun barmaqlığı ilə fərqlənir.

 

Yeni «X6»də yeni «M Performance» paketi də olacaq. Bu avtomobillər 20 düyməlik çarxları ilə, yeni aerodinamik pərdə və bahalı interyerilə fərqlənəcək.

 

 

Dünyanın ən gülməli avtomobili satışda

İngiltərədə “Peel” markalı avtomobillərin (daha doğrusu nəqliyyat vasitəsi) satışına başlanıb. Satışa çıxan modellərdən birinin adı “P50”, digəri isə “Trident2dir. “P50” modeli 1, “Trident” isə 2 nəfər üçün nəzərdə tutulub.

Bu avtomobillər ötən əsrin 60-cı illərində ingilis müstəmləkələrinin birində istehsal edilib. Birinci model 59, ikinci model isə 99 kq-dır. Avtomobilin birində 1.3, digərində 3.3 at gücü mühərrik quraşdırılıb. Bu mühərriklər avtomobillərə 80 km/saat sürət verə bilsə də, qəzaları önləmək üçün sürət həddi 45 km/saatla məhdudlaşdırılıb.

Avtomobilin qiyməti təqribən 11 000 dollardır.

 

 

 

“VAZ” avtomobilləri bahalaşır

Rusiyanın “Avtovaz” şirkəti 30 yanvardan etibarən öz məhsullarının qiymətini artırmaq niyyətindədir. Ən çox bahalaşma “Lada 4x4” (Niva) modelinə aid olacaq. Bu avtomobil gələn həftə 5,5% bahalaşacaq.

“Lada Kalina” modeli 3,2%, “Lada Samara2 3,0%, “Lada Priora” 2,9%, “Lada-2107” isə 1.9% bahalaşacaq. “Lada Granta” modelinin qiyməti isə birinci rübdə sabit qalacaq.

Zavodda bahalaşmanın səbəbini “Euro-4” sisteminə keçidlə əlaqədar olaraq avtomobillərin maya dəyərinin artması ilə izah edirlər.

Xatırladaq ki, zavod “2107” modelininin qiymətini noyabr və yanvar aylarında 2 dəfə endirib.

 

 

 

Yeni krossover Infiniti FX   

Yaponiyanın lüks brendi olan İnfiniti, 2012-ci ilin İnfiniti FX modeli ilə Yaxın Şərq regionunda satışlarına başlamışdır. Regionda kifayət qədər tanınan bu model 2012-ci ilin yenilənmiş krossoveri olaraq performansla ruhlandırılmış idarəetmə dinamikliyi, yeni dizayn olunmuş siqnalı və texnoloji yenilikləri ilə diqqəti cəlb edir.

“İnfiniti FX ictimaiyyətə təqdim olunduğu andan etibarən, Yaxın Şərq ölkələrində İnfiniti brendinin məhşurlaşmasında əhəmiyyətli dərəcədə rol oynadı, məhz bu səbəbdən bizim üçün bu model böyük önəm kəsb edir. Bu region bizim üçün önəmli bir bazardır və 2012-ci ilin İnfiniti FX modeli gəlişi ilə öz avtomobilsevərlərinə İnfiniti model sırasının bütün özəlliklərini və bizim böyük təcrübəmizi çatdırdı. Biz əminik ki, bu yeniliklərlə İnfiniti FX, Yaxın Şərq Ölkələrində qürurumuz olmağa davam edəcəkdir” - İnfinitinin Yaxın Şərq üzrə Baş meneceri - Jurgen Schmitz qeyd etdi.

Yeni üslublu siqnal

Radiatorun yeni barmaqlıqları, spektr boyunca standart xromlu ləvazimatlarla təchiz olunmuş duman əleyhinə ön işıqlarları sayəsində öncəki modelin kifayət qədər ciddi görünüşünə daha da çox aqressiya qatmışdır. Yeni dizaynlı 20 düymlük yüngül lehimli disklər bütün FX35 model sırası, 21 düymlük isə FX50 model sırası üçün standart hesab olunur. Xarici görünüşündəki yenilik, əlvan rəng palitrası - ilk dəfə tətbiq olunmuş İridium mavisi və Qrafit kölgəsi rənglərindən həzz almağa imkan yaradır. FX eyni zamanda, İnfiniti model sırasına xarakter olan bəyaz tikişli haşiyələnmiş və bəyaz işıqlanması olan kompüterli alətlər panelinə malikdir.

 

İdman üslubunun ən aqressiv ifadəsini və üstünlüyü özündə cəmləşdirən Yeni 2012-ci il İnfitniti FX  5.0 litr həcmli 390 a.g, və 3.5 litr həcmli 303 a.g. olan V6 mühərrik ilə müştərilərə təqdim olunur.

İnfiniti 2012 modeli həmçinin Tam Ötürücü İntellektual Sistemi (Intelligent All-Wheel Drive), ikiqat ön və çoxlingli arxa asqı sistemi və hər təkər üçün enli disk əyləcləri, amortizasiyaya fasiləsiz nəzarət sistemi (CDC®) və FX50 modelinin komplektasiyasına xas olan arxa təkərlərinin dönmə qabiliyyəti ilə təchiz olunmuşdur.

Daxildən İnfiniti FX modelinin mülayim interyeri ətrafdakıları cəlb edərək, sürücünün tələblərinə cavab verən intuitiv idarəetmə elementlərinə malik kokpit, idman üslubunda olan oturacaqlar və təkmilləşdirilmiş audio sistem, naviqasiya və texnoloji yeniliklərdən olan 11 dinamikli premium audio system Bose, intellektual açar sistemi, həmçinin intellektual Kruiz-kontrol (Maksimal Sürət həddində) və Around View monitor sistemi ilə təchiz edilmişdir.

Transmissiya

Transmissiya sisteminə elektron idarəetməli 7-pilləli avtomat idarətməli adaptiv transmissiya (ASC), həmçinin mexaniki idarəetməyə imkan verən Manual shift mode və Axıcı Ötürmə Sistemi (DRM) aiddir.

Eksteryer

İnfiniti FX35-in xarici görünüşünü xarakterizə edən bir sıra məqamları sadalamaq olar: yüksək intensivlik dərəcəsinə malik Avtomatik Start/Stop (HİD), adaptive işıqlanma sistemi olan (AFS), ön ksenon fənərlərin avtomatik idarəolunması, avtomobilin sürətindən asılı olaraq növbə ilə hərəkətlənən bi-funksional şüşətəmizləyənlər, ikili xrom səsboğucu sonluqları, elektrik ötürücü ilə tənzimlənən və qatlanan qızdırıcılı yan güzgülər, damın alüminium reylinqləri, alüminium kapotun açıq saxlanılmasını təmin edən qaz amartizatorları, bir toxunuşla avtomatik açılıb-bağlanan möhkəm şüşə panorama, arxa şüşənin növbəli və taymerli qızdırıcılı şüşətəmizləyiciləri, ön buferə inteqrasiya olunmuş fənərlər, arxa aerodinamik spoyler, ön diodlar, yan hava çıxışları, diodlu arxa işıqlar və  yuxarı mərkəzdə yerləşmiş arxa stoplar (CHMSL), infiniti logolu alüminium nömrə yeri, ultrabənövşəyi şüaları daxilə keçirməyən rəngli şüşələr.

İnteryer

İşıqlandırılmış start-stop düyməli intellektual açar sistemi, qapıların avtomatik açılıb-bağlanma sistemi, xəritə işıqlandırılması üçün yuxarıda (başın üstündə) yerləşən işıqlar, kitab oxumaq üçün arxa oturacaqların işıqlandırılması, 3-milli dəri sükan və aluminum başlıqlı sürət ötürücüsünün lingi İnfiniti FX35-in interyer təchizatına daxildir.

Salon və təchizat

Dəri təchizatlı, 8 hərəkət istiqamətli və bel hissədən 2 hərəkət istiqamətində dayaqları olan sürücü oturacağı, 8 hərəkət istiqamətli ön sərnişin oturacağı, arxa oturacaqların bel hissəsinin 60/40 qatlanması və geniş yük bölməsi sayəsində arxa oturacaqların uzanıqlı vəziyyətə gətirilməsi İnfiniti FX35-in salonunda komfortu tam təmin edir.

Audio sistem

11 dinamikli AM/FM/CD diapazonlu premium Bose audio sistemi MP3 formatlı və Server musiqisini oxutmağa imkan yaradır. Funksional audio sistemə həmçinin 9.3 GB həcmli sərt disk, tək girişli CD oxuducu, tək girişli CD/DVD oxuducu (FX50 modeliniə xas standart komplektasiya), audio sistemli sükan çarxı, əlavə audio giriş, İPOD üçün nəzərdə tutulmuş USB port, damda radio antenna və digər mexanizmlər də aiddir.